Hörüyün əlimdə təsbeh əvəzi

Hörüyün əlimdə təsbeh əvəzi…

üstündə duamı  oxudum, ayıl.

Sənin məhəbbətin mənim gözümdə

tərsinə yozulmuş yuxudu, ayıl.

İndi sən mənimçin heç nə deyilsən,

indi nə dərdimsən, nə nəşəm, qadın!

Mən səni sevmirəm, sənin qoynuna

səndən gizlənməyə girmişəm, qadın…

Hələ gizli-gizli ovuram səni,

gah daş daşıyıram, gah qum  atıram .

Mən səni atmıram, səndən qaçmağa

ömrüm uzunluqda lağım atıram.