Mumkunse, bu silsiledeki şeirleri oxuyarken qarşinizda şahmat taxtasi da olsun. Buradaki gedişleri taxta uzerinde tekrar etseniz maraqli bir kombinasiyanin şahidi ola bilersiniz. Şexsen men hemin kombinasiyani bu silsiledeki şeirlerin kombinasiyasiyla tutuşdurdum ve gordum ki...
e2 - e4
Bir də baxıb gördün ki,
sənin bu boyda dünyada
40 yaşdan savayı heç nəyin yoxmuş.
e7 - e5
Bu qırx yaş da səninçin
yalnız rəqəm kimi maraqlı.
Rəqəmlər sənə çox doğma, çox yaxın -
körpəlikdə danışmağı
saymaqla öyrənmisən axı.
At g1 - f3
Evdə divardan asdığın təqvimin də
səninçin zaman əhəmiyyəti yox.
O, səninçin təqvim deyil ki,
sadəcə sevdiyin rəqəmlərin şəklidi.
d7 - d6
Elə hey düşürsən…
Deşilib boşalır iddiaların,
göydən düşürsən.
Elə hey düşürsən…
Gözdən, ruhdan, həvəsdən,
heydən düşürsən.
İndi düşmək səninçin
yeganə mümkün hərəkət forması.
Fil f1 - c4
Kənddə doğulub böyüdüyün eviniz
uçulub-sökülmüş indi.
O evdən hamı və hər şey dağılışıb getmiş.
Ancaq uşaq vaxtı dişləyib atdığın qəndin başına yığışan qarışqalar hələ də ordadı.
Fil c8 - g4
İndi neynirsən bu şəhərdə,
neynirsən?!..
Gündüzlər təlim maşınında gəzib
yol hərəkəti qaydalarını öyrənirsən,
axşamlar isə balaca otağında
gərdiş eləyirsən «əlil arabasında».
At b1 - c3
Heç bircə saat da məhbəs görməyən
adamda bu nə azar ki,
hər şeyə barmaqlıqlar arasından
baxmağa həvəskarsan.
hətta torpaq da səninçin
ayaq barmaqlarının arasından
göründüyü qədərdi.
At g8 - f6
Evində iki pəncərə var. Onlardan biri…
Məhz onu siqaret tüstüsünün
çıxmasıyçun açırsan.
Açmasan belə, siqaret tüstüsü
həmişə çıxdığı yerə öyrəşmiş kimi
çəkilib yığışır məhz həmin pəncərinin qabağına.
Qalaqurma
Bir də binanın damındakı o «tanış» antenna.
Ötürdüyü dalğaları görmək arzusuyla
aşağıdakı «balkona» həsrətlə əyilmiş.
At f6 : e4
Belədi də, bütün ayrılıqlar belədi -
səs sürətiylə çıxıb gedir,
tabut sürətiylə qayıdırsan.
Elə mühacirlər də öz vətənlərinə
xalçadan qaçmış ilmə kimi bağlı.
At f3 : e5
Baxıb düşünürsən:
döşəmə boyu fikirli-fikirli
gərdiş eləyən bu kişinin
və tavan boyu ora-bura qaçan bu milçəyin
nə dərdi var görəsən?
Bax elə bu anda Allahın bu iki canlısının
nə fərqi var görəsən?..
Fil g4 : d1
Bir də bu milçəkqıran…
Adamlar o qədər aciz ki,
bir milçəyi öldürməkçin də silaha əl atırlar.
Fil c4 : f7 (şah!)
Düzdü, deyirsən də…
İş uçmaqda deyil ki
qəfəsdəki quş göy üzünə baxa bilirsə
deməli azaddı.
Sözdü deyirsən də…
Şah e8 - e7
Vaxt gələcək…
bir zamanlar kiməsə barmaq silkələdiyin,
gedən bir qadının arxasınca yellədiyin əllərin qocalıb əsməyə başlayacaq.
Bir zamanlar işarələrlə dil-dil ötən əllərin
indi topuq çalacaq.
Əldən pəltəklik daha dəhşətli.
At c3 – d5 (mat)
Və vaxt gələcək…
yol qırağında tapılmış
naməlum kişi meyidi olacaqsan,
«tanımağa» bir kimsə gəlməyəcək.
sənin bu boyda dünyada
40 yaşdan savayı heç nəyin yoxmuş.
yalnız rəqəm kimi maraqlı.
körpəlikdə danışmağı
saymaqla öyrənmisən axı.
səninçin zaman əhəmiyyəti yox.
O, səninçin təqvim deyil ki,
sadəcə sevdiyin rəqəmlərin şəklidi.
Deşilib boşalır iddiaların,
göydən düşürsən.
Gözdən, ruhdan, həvəsdən,
heydən düşürsən.
yeganə mümkün hərəkət forması.
uçulub-sökülmüş indi.
Ancaq uşaq vaxtı dişləyib atdığın qəndin başına yığışan qarışqalar hələ də ordadı.
neynirsən?!..
yol hərəkəti qaydalarını öyrənirsən,
axşamlar isə balaca otağında
gərdiş eləyirsən «əlil arabasında».
adamda bu nə azar ki,
hər şeyə barmaqlıqlar arasından
baxmağa həvəskarsan.
ayaq barmaqlarının arasından
göründüyü qədərdi.
Məhz onu siqaret tüstüsünün
çıxmasıyçun açırsan.
həmişə çıxdığı yerə öyrəşmiş kimi
çəkilib yığışır məhz həmin pəncərinin qabağına.
Ötürdüyü dalğaları görmək arzusuyla
aşağıdakı «balkona» həsrətlə əyilmiş.
səs sürətiylə çıxıb gedir,
tabut sürətiylə qayıdırsan.
xalçadan qaçmış ilmə kimi bağlı.
döşəmə boyu fikirli-fikirli
gərdiş eləyən bu kişinin
və tavan boyu ora-bura qaçan bu milçəyin
nə dərdi var görəsən?
nə fərqi var görəsən?..
Adamlar o qədər aciz ki,
bir milçəyi öldürməkçin də silaha əl atırlar.
İş uçmaqda deyil ki
qəfəsdəki quş göy üzünə baxa bilirsə
deməli azaddı.
Sözdü deyirsən də…
bir zamanlar kiməsə barmaq silkələdiyin,
gedən bir qadının arxasınca yellədiyin əllərin qocalıb əsməyə başlayacaq.
Bir zamanlar işarələrlə dil-dil ötən əllərin
indi topuq çalacaq.
Əldən pəltəklik daha dəhşətli.
yol qırağında tapılmış
naməlum kişi meyidi olacaqsan,
«tanımağa» bir kimsə gəlməyəcək.
Açar sözlər:
- Notasiya (1)
- Yerin melum, sevdiyim (2)
- «А» böyük, «а» balaca (2)
- SIXINTILAR (3)
- Suallara cavablar (0)
- ... ve sair ve şair (0)
- PRO-ZA (1)
- Yerigeldi şeirler (1)
- Şir bürcü, At ili, It günü... (1)
- Avqust 2008 (1)
- İyul 2008 (10)
- İyun 2008 (4)
